拎得清

睡的比鸡晚

文/钱乃荣
7 c) T* N$ c- L( h* J+ y1 o2 `   
    上海人评价起一个人来，常常要看搿个人脑子是勿是“拎得清”。
   
9 J- b! n4 @# j1 b& l0 t" a) ^    所谓“拎得清”，首先就是“明辨事理，对常规了解得清清爽爽。”一个人处世理事，只有对周围环境个种种因素看得清，对于需要共同遵守个规则脱仔契约心领神会，对于自家辣辣其中个利害理解了老道地，方才会得从中摆正自己最恰当个位置。审时图事，判断力要优异，要领会快，反映邪气灵敏。人家翎子【对方的暗示】豁过来，侬要接【领会】得快。“拎”个过程，既是思维，也是个操作过程。“拎得清”个人辣辣应对复杂个场面辰光，说闲话上台面，稳健在理，处理问题得心应手，娴熟。拎得清是日积月累个，是信誉，又是效率。“拎得清”是上海人对人个理性个最集中描绘。勿论一个人个来历、身份哪能，“拎得清”是条公平线，是对人生存质量个一种评价，是对一个人处世精明的赞赏。“拎得清”个人是老“扎乖【会鉴貌辨色】”个，遵守公共规矩，甚至对潜规则也一清二楚，遇事“打开天窗说亮话”，为人诚信坦和，懂得包容、平衡，包括勿麻烦别人使人讨厌，为人可靠勿出差错。
   
5 i" v. w! ]+ m5 U# \$ c  R+ g, k    辣商业社会当中交往造就了拎得清个人，辣生活当中也需要拎得清个人。譬如，介绍朋友，男女双方已经谈起来了，介绍人还勿主动离开，就叫“拎勿清”，侬辣当中是多余个人了，上海人称之“电灯泡”。诸如此类犯得多，侬对恋爱潜规则是一窍勿通，人家就要笑侬“阿木林”“洋盘”了！
   
    “拎勿清”个人，生就个“黄鱼脑子”，做起事体来，“七里缠辣八里【这个搞到那个上去】”,“丁三倒四【次序混乱】”,“前脚脱后脚【连不上去】”。讲起闲话来，notwono three。还常常“勿识好恘qiu【不知好歹】”，像“脑子拨枪打过了”。上海人用“拎勿清”来形容一个人，就是对伊个素质全面否定，辣大家个心目中，伊等于是拨“揩脱【擦掉】”了。用“拎得清”和“拎勿清”来观察或者褒贬一个人，已经成为上海人个一种集体无意识。